Mandalas 9 - (1108 verses)
Mandala 9 · Verse 1
pra kavir devavītaye 'vyo vārebhir arṣati | sāhvān viśvā abhi spṛdhaḥ
Mandala 9 · Verse 2
sa hi ṣmā jaritṛbhya ā vājaṁ gomantam invati | pavamānaḥ sahasriṇam
Mandala 9 · Verse 3
pari viśvāni cetasā mṛśase pavase matī | sa naḥ soma śravo vidaḥ
Mandala 9 · Verse 4
abhy arṣa bṛhad yaśo maghavadbhyo dhruvaṁ rayim | iṣaṁ stotṛbhya ā bhara
Mandala 9 · Verse 5
tvaṁ rājeva suvrato giraḥ somā viveśitha | punāno vahne adbhuta
Mandala 9 · Verse 6
sa vahnir apsu duṣṭaro mṛjyamāno gabhastyoḥ | somaś camūṣu sīdati
Mandala 9 · Verse 7
krīḻur makho na maṁhayuḥ pavitraṁ soma gacchasi | dadhat stotre suvīryam
Mandala 9 · Verse 1
ete dhāvantīndavaḥ somā indrāya ghṛṣvayaḥ | matsarāsaḥ svarvidaḥ
Mandala 9 · Verse 2
pravṛṇvanto abhiyujaḥ suṣvaye varivovidaḥ | svayaṁ stotre vayaskṛtaḥ
Mandala 9 · Verse 3
vṛthā krīḻanta indavaḥ sadhastham abhy ekam it | sindhor ūrmā vy akṣaran
Mandala 9 · Verse 4
ete viśvāni vāryā pavamānāsa āśata | hitā na saptayo rathe
Mandala 9 · Verse 5
āsmin piśaṅgam indavo dadhātā venam ādiśe | yo asmabhyam arāvā
Mandala 9 · Verse 6
ṛbhur na rathyaṁ navaṁ dadhātā ketam ādiśe | śukrāḥ pavadhvam arṇasā
Mandala 9 · Verse 7
eta u tye avīvaśan kāṣṭhāṁ vājino akrata | sataḥ prāsāviṣur matim
Mandala 9 · Verse 1
ete somāsa āśavo rathā iva pra vājinaḥ | sargāḥ sṛṣṭā aheṣata
Mandala 9 · Verse 2
ete vātā ivoravaḥ parjanyasyeva vṛṣṭayaḥ | agner iva bhramā vṛthā
Mandala 9 · Verse 3
ete pūtā vipaścitaḥ somāso dadhyāśiraḥ | vipā vy ānaśur dhiyaḥ
Mandala 9 · Verse 4
ete mṛṣṭā amartyāḥ sasṛvāṁso na śaśramuḥ | iyakṣantaḥ patho rajaḥ
Mandala 9 · Verse 5
ete pṛṣṭhāni rodasor viprayanto vy ānaśuḥ | utedam uttamaṁ rajaḥ
Mandala 9 · Verse 6
tantuṁ tanvānam uttamam anu pravata āśata | utedam uttamāyyam
Mandala 9 · Verse 7
tvaṁ soma paṇibhya ā vasu gavyāni dhārayaḥ | tataṁ tantum acikradaḥ
Mandala 9 · Verse 1
somā asṛgram āśavo madhor madasya dhārayā | abhi viśvāni kāvyā
Mandala 9 · Verse 2
anu pratnāsa āyavaḥ padaṁ navīyo akramuḥ | ruce jananta sūryam
Mandala 9 · Verse 3
ā pavamāna no bharāryo adāśuṣo gayam | kṛdhi prajāvatīr iṣaḥ
Mandala 9 · Verse 4
abhi somāsa āyavaḥ pavante madyam madam | abhi kośam madhuścutam
Mandala 9 · Verse 5
somo arṣati dharṇasir dadhāna indriyaṁ rasam | suvīro abhiśastipāḥ
Mandala 9 · Verse 6
indrāya soma pavase devebhyaḥ sadhamādyaḥ | indo vājaṁ siṣāsasi
Mandala 9 · Verse 7
asya pītvā madānām indro vṛtrāṇy aprati | jaghāna jaghanac ca nu
Mandala 9 · Verse 1
pra somāso adhanviṣuḥ pavamānāsa indavaḥ | śrīṇānā apsu mṛñjata
Mandala 9 · Verse 2
abhi gāvo adhanviṣur āpo na pravatā yatīḥ | punānā indram āśata
Mandala 9 · Verse 3
pra pavamāna dhanvasi somendrāya pātave | nṛbhir yato vi nīyase
Mandala 9 · Verse 4
tvaṁ soma nṛmādanaḥ pavasva carṣaṇīsahe | sasnir yo anumādyaḥ
Mandala 9 · Verse 5
indo yad adribhiḥ sutaḥ pavitram paridhāvasi | aram indrasya dhāmne
Mandala 9 · Verse 6
pavasva vṛtrahantamokthebhir anumādyaḥ | śuciḥ pāvako adbhutaḥ
Mandala 9 · Verse 7
śuciḥ pāvaka ucyate somaḥ sutasya madhvaḥ | devāvīr aghaśaṁsahā
Mandala 9 · Verse 1
pavasva dakṣasādhano devebhyaḥ pītaye hare | marudbhyo vāyave madaḥ
Mandala 9 · Verse 2
pavamāna dhiyā hito3 'bhi yoniṁ kanikradat | dharmaṇā vāyum ā viśa
Mandala 9 · Verse 3
saṁ devaiḥ śobhate vṛṣā kavir yonāv adhi priyaḥ | vṛtrahā devavītamaḥ
Mandala 9 · Verse 4
viśvā rūpāṇy āviśan punāno yāti haryataḥ | yatrāmṛtāsa āsate
Mandala 9 · Verse 5
aruṣo janayan giraḥ somaḥ pavata āyuṣak | indraṁ gacchan kavikratuḥ
Mandala 9 · Verse 6
ā pavasva madintama pavitraṁ dhārayā kave | arkasya yonim āsadam
Mandala 9 · Verse 1
tam amṛkṣanta vājinam upasthe aditer adhi | viprāso aṇvyā dhiyā
Mandala 9 · Verse 2
taṁ gāvo abhy anūṣata sahasradhāram akṣitam | induṁ dhartāram ā divaḥ
Mandala 9 · Verse 3
taṁ vedhām medhayāhyan pavamānam adhi dyavi | dharṇasim bhūridhāyasam
Mandala 9 · Verse 4
tam ahyan bhurijor dhiyā saṁvasānaṁ vivasvataḥ | patiṁ vāco adābhyam
Mandala 9 · Verse 5
taṁ sānāv adhi jāmayo hariṁ hinvanty adribhiḥ | haryatam bhūricakṣasam
Mandala 9 · Verse 6
taṁ tvā hinvanti vedhasaḥ pavamāna girāvṛdham | indav indrāya matsaram
Mandala 9 · Verse 1
eṣa kavir abhiṣṭutaḥ pavitre adhi tośate | punāno ghnann apa sridhaḥ
Mandala 9 · Verse 2
eṣa indrāya vāyave svarjit pari ṣicyate | pavitre dakṣasādhanaḥ
Mandala 9 · Verse 3
eṣa nṛbhir vi nīyate divo mūrdhā vṛṣā sutaḥ | somo vaneṣu viśvavit
Mandala 9 · Verse 4
eṣa gavyur acikradat pavamāno hiraṇyayuḥ | induḥ satrājid astṛtaḥ
Mandala 9 · Verse 5
eṣa sūryeṇa hāsate pavamāno adhi dyavi | pavitre matsaro madaḥ
Mandala 9 · Verse 6
eṣa śuṣmy asiṣyadad antarikṣe vṛṣā hariḥ | punāna indur indram ā
Mandala 9 · Verse 1
eṣa vājī hito nṛbhir viśvavin manasas patiḥ | avyo vāraṁ vi dhāvati
Mandala 9 · Verse 2
eṣa pavitre akṣarat somo devebhyaḥ sutaḥ | viśvā dhāmāny āviśan
Mandala 9 · Verse 3
eṣa devaḥ śubhāyate 'dhi yonāv amartyaḥ | vṛtrahā devavītamaḥ
Mandala 9 · Verse 4
eṣa vṛṣā kanikradad daśabhir jāmibhir yataḥ | abhi droṇāni dhāvati
Mandala 9 · Verse 5
eṣa sūryam arocayat pavamāno vicarṣaṇiḥ | viśvā dhāmāni viśvavit
Mandala 9 · Verse 6
eṣa śuṣmy adābhyaḥ somaḥ punāno arṣati | devāvīr aghaśaṁsahā
Mandala 9 · Verse 1
prāsya dhārā akṣaran vṛṣṇaḥ sutasyaujasā | devām̐ anu prabhūṣataḥ
Mandala 9 · Verse 2
saptim mṛjanti vedhaso gṛṇantaḥ kāravo girā | jyotir jajñānam ukthyam
Mandala 9 · Verse 3
suṣahā soma tāni te punānāya prabhūvaso | vardhā samudram ukthyam
Mandala 9 · Verse 4
viśvā vasūni saṁjayan pavasva soma dhārayā | inu dveṣāṁsi sadhryak
Mandala 9 · Verse 5
rakṣā su no araruṣaḥ svanāt samasya kasya cit | nido yatra mumucmahe
Mandala 9 · Verse 6
endo pārthivaṁ rayiṁ divyam pavasva dhārayā | dyumantaṁ śuṣmam ā bhara
Mandala 9 · Verse 1
pra dhārā asya śuṣmiṇo vṛthā pavitre akṣaran | punāno vācam iṣyati
Mandala 9 · Verse 2
indur hiyānaḥ sotṛbhir mṛjyamānaḥ kanikradat | iyarti vagnum indriyam
Mandala 9 · Verse 3
ā naḥ śuṣmaṁ nṛṣāhyaṁ vīravantam puruspṛham | pavasva soma dhārayā
Mandala 9 · Verse 4
pra somo ati dhārayā pavamāno asiṣyadat | abhi droṇāny āsadam
Mandala 9 · Verse 5
apsu tvā madhumattamaṁ hariṁ hinvanty adribhiḥ | indav indrāya pītaye
Mandala 9 · Verse 6
sunotā madhumattamaṁ somam indrāya vajriṇe | cāruṁ śardhāya matsaram
Mandala 9 · Verse 1
pra somāsaḥ svādhya1ḥ pavamānāso akramuḥ | rayiṁ kṛṇvanti cetanam
Mandala 9 · Verse 2
divas pṛthivyā adhi bhavendo dyumnavardhanaḥ | bhavā vājānām patiḥ
Mandala 9 · Verse 3
tubhyaṁ vātā abhipriyas tubhyam arṣanti sindhavaḥ | soma vardhanti te mahaḥ
Mandala 9 · Verse 4
ā pyāyasva sam etu te viśvataḥ soma vṛṣṇyam | bhavā vājasya saṁgathe
Mandala 9 · Verse 5
tubhyaṁ gāvo ghṛtam payo babhro duduhre akṣitam | varṣiṣṭhe adhi sānavi
Mandala 9 · Verse 6
svāyudhasya te sato bhuvanasya pate vayam | indo sakhitvam uśmasi
Mandala 9 · Verse 1
pra somāso madacyutaḥ śravase no maghonaḥ | sutā vidathe akramuḥ
Mandala 9 · Verse 2
ād īṁ tritasya yoṣaṇo hariṁ hinvanty adribhiḥ | indum indrāya pītaye
Mandala 9 · Verse 3
ād īṁ haṁso yathā gaṇaṁ viśvasyāvīvaśan matim | atyo na gobhir ajyate
Mandala 9 · Verse 4
ubhe somāvacākaśan mṛgo na takto arṣasi | sīdann ṛtasya yonim ā
Mandala 9 · Verse 5
abhi gāvo anūṣata yoṣā jāram iva priyam | agann ājiṁ yathā hitam
Mandala 9 · Verse 6
asme dhehi dyumad yaśo maghavadbhyaś ca mahyaṁ ca | sanim medhām uta śravaḥ
Mandala 9 · Verse 1
pra somāso vipaścito 'pāṁ na yanty ūrmayaḥ | vanāni mahiṣā iva
Mandala 9 · Verse 2
abhi droṇāni babhravaḥ śukrā ṛtasya dhārayā | vājaṁ gomantam akṣaran
Mandala 9 · Verse 3
sutā indrāya vāyave varuṇāya marudbhyaḥ | somā arṣanti viṣṇave
Mandala 9 · Verse 4
tisro vāca ud īrate gāvo mimanti dhenavaḥ | harir eti kanikradat
Mandala 9 · Verse 5
abhi brahmīr anūṣata yahvīr ṛtasya mātaraḥ | marmṛjyante divaḥ śiśum
Mandala 9 · Verse 6
rāyaḥ samudrām̐ś caturo 'smabhyaṁ soma viśvataḥ | ā pavasva sahasriṇaḥ
Mandala 9 · Verse 1
pra suvāno dhārayā tanendur hinvāno arṣati | rujad dṛḻhā vy ojasā
Mandala 9 · Verse 2
suta indrāya vāyave varuṇāya marudbhyaḥ | somo arṣati viṣṇave
Mandala 9 · Verse 3
vṛṣāṇaṁ vṛṣabhir yataṁ sunvanti somam adribhiḥ | duhanti śakmanā payaḥ
Mandala 9 · Verse 4
bhuvat tritasya marjyo bhuvad indrāya matsaraḥ | saṁ rūpair ajyate hariḥ
Mandala 9 · Verse 5
abhīm ṛtasya viṣṭapaṁ duhate pṛśnimātaraḥ | cāru priyatamaṁ haviḥ
Mandala 9 · Verse 6
sam enam ahrutā imā giro arṣanti sasrutaḥ | dhenūr vāśro avīvaśat
Mandala 9 · Verse 1
ā naḥ pavasva dhārayā pavamāna rayim pṛthum | yayā jyotir vidāsi naḥ
Mandala 9 · Verse 2
indo samudramīṅkhaya pavasva viśvamejaya | rāyo dhartā na ojasā
Mandala 9 · Verse 3
tvayā vīreṇa vīravo 'bhi ṣyāma pṛtanyataḥ | kṣarā ṇo abhi vāryam
Mandala 9 · Verse 4
pra vājam indur iṣyati siṣāsan vājasā ṛṣiḥ | vratā vidāna āyudhā
Mandala 9 · Verse 5
taṁ gīrbhir vācamīṅkhayam punānaṁ vāsayāmasi | somaṁ janasya gopatim
Mandala 9 · Verse 6
viśvo yasya vrate jano dādhāra dharmaṇas pateḥ | punānasya prabhūvasoḥ
Mandala 9 · Verse 1
asarji rathyo yathā pavitre camvoḥ sutaḥ | kārṣman vājī ny akramīt
Mandala 9 · Verse 2
sa vahniḥ soma jāgṛviḥ pavasva devavīr ati | abhi kośam madhuścutam
Mandala 9 · Verse 3
sa no jyotīṁṣi pūrvya pavamāna vi rocaya | kratve dakṣāya no hinu
Mandala 9 · Verse 4
śumbhamāna ṛtāyubhir mṛjyamāno gabhastyoḥ | pavate vāre avyaye
Mandala 9 · Verse 5
sa viśvā dāśuṣe vasu somo divyāni pārthivā | pavatām āntarikṣyā
Mandala 9 · Verse 6
ā divas pṛṣṭham aśvayur gavyayuḥ soma rohasi | vīrayuḥ śavasas pate
Mandala 9 · Verse 1
sa sutaḥ pītaye vṛṣā somaḥ pavitre arṣati | vighnan rakṣāṁsi devayuḥ
Mandala 9 · Verse 2
sa pavitre vicakṣaṇo harir arṣati dharṇasiḥ | abhi yoniṁ kanikradat
Mandala 9 · Verse 3
sa vājī rocanā divaḥ pavamāno vi dhāvati | rakṣohā vāram avyayam
Mandala 9 · Verse 4
sa tritasyādhi sānavi pavamāno arocayat | jāmibhiḥ sūryaṁ saha
Mandala 9 · Verse 5
sa vṛtrahā vṛṣā suto varivovid adābhyaḥ | somo vājam ivāsarat
Mandala 9 · Verse 6
sa devaḥ kavineṣito3 'bhi droṇāni dhāvati | indur indrāya maṁhanā
Mandala 9 · Verse 1
eṣa u sya vṛṣā ratho 'vyo vārebhir arṣati | gacchan vājaṁ sahasriṇam
Mandala 9 · Verse 2
etaṁ tritasya yoṣaṇo hariṁ hinvanty adribhiḥ | indum indrāya pītaye
Mandala 9 · Verse 3
etaṁ tyaṁ harito daśa marmṛjyante apasyuvaḥ | yābhir madāya śumbhate
Mandala 9 · Verse 4
eṣa sya mānuṣīṣv ā śyeno na vikṣu sīdati | gacchañ jāro na yoṣitam
Mandala 9 · Verse 5
eṣa sya madyo raso 'va caṣṭe divaḥ śiśuḥ | ya indur vāram āviśat
Mandala 9 · Verse 6
eṣa sya pītaye suto harir arṣati dharṇasiḥ | krandan yonim abhi priyam
Mandala 9 · Verse 1
āśur arṣa bṛhanmate pari priyeṇa dhāmnā | yatra devā iti bravan
Mandala 9 · Verse 2
pariṣkṛṇvann aniṣkṛtaṁ janāya yātayann iṣaḥ | vṛṣṭiṁ divaḥ pari srava
Mandala 9 · Verse 3
suta eti pavitra ā tviṣiṁ dadhāna ojasā | vicakṣāṇo virocayan
Mandala 9 · Verse 4
ayaṁ sa yo divas pari raghuyāmā pavitra ā | sindhor ūrmā vy akṣarat
Mandala 9 · Verse 5
āvivāsan parāvato atho arvāvataḥ sutaḥ | indrāya sicyate madhu
Mandala 9 · Verse 6
samīcīnā anūṣata hariṁ hinvanty adribhiḥ | yonāv ṛtasya sīdata
Mandala 9 · Verse 1
punāno akramīd abhi viśvā mṛdho vicarṣaṇiḥ | śumbhanti vipraṁ dhītibhiḥ
Mandala 9 · Verse 2
ā yonim aruṇo ruhad gamad indraṁ vṛṣā sutaḥ | dhruve sadasi sīdati
Mandala 9 · Verse 3
nū no rayim mahām indo 'smabhyaṁ soma viśvataḥ | ā pavasva sahasriṇam
Mandala 9 · Verse 4
viśvā soma pavamāna dyumnānīndav ā bhara | vidāḥ sahasriṇīr iṣaḥ
Mandala 9 · Verse 5
sa naḥ punāna ā bhara rayiṁ stotre suvīryam | jaritur vardhayā giraḥ
Mandala 9 · Verse 6
punāna indav ā bhara soma dvibarhasaṁ rayim | vṛṣann indo na ukthyam
Mandala 9 · Verse 1
pra ye gāvo na bhūrṇayas tveṣā ayāso akramuḥ | ghnantaḥ kṛṣṇām apa tvacam
Mandala 9 · Verse 2
suvitasya manāmahe 'ti setuṁ durāvyam | sāhvāṁso dasyum avratam
Mandala 9 · Verse 3
śṛṇve vṛṣṭer iva svanaḥ pavamānasya śuṣmiṇaḥ | caranti vidyuto divi
Mandala 9 · Verse 4
ā pavasva mahīm iṣaṁ gomad indo hiraṇyavat | aśvāvad vājavat sutaḥ
Mandala 9 · Verse 5
sa pavasva vicarṣaṇa ā mahī rodasī pṛṇa | uṣāḥ sūryo na raśmibhiḥ
Mandala 9 · Verse 6
pari ṇaḥ śarmayantyā dhārayā soma viśvataḥ | sarā raseva viṣṭapam
Mandala 9 · Verse 1
janayan rocanā divo janayann apsu sūryam | vasāno gā apo hariḥ
Mandala 9 · Verse 2
eṣa pratnena manmanā devo devebhyas pari | dhārayā pavate sutaḥ
Mandala 9 · Verse 3
vāvṛdhānāya tūrvaye pavante vājasātaye | somāḥ sahasrapājasaḥ
Mandala 9 · Verse 4
duhānaḥ pratnam it payaḥ pavitre pari ṣicyate | krandan devām̐ ajījanat
Mandala 9 · Verse 5
abhi viśvāni vāryābhi devām̐ ṛtāvṛdhaḥ | somaḥ punāno arṣati
Mandala 9 · Verse 6
goman naḥ soma vīravad aśvāvad vājavat sutaḥ | pavasva bṛhatīr iṣaḥ
Mandala 9 · Verse 1
yo atya iva mṛjyate gobhir madāya haryataḥ | taṁ gīrbhir vāsayāmasi
Mandala 9 · Verse 2
taṁ no viśvā avasyuvo giraḥ śumbhanti pūrvathā | indum indrāya pītaye
Mandala 9 · Verse 3
punāno yāti haryataḥ somo gīrbhiḥ pariṣkṛtaḥ | viprasya medhyātitheḥ
Mandala 9 · Verse 4
pavamāna vidā rayim asmabhyaṁ soma suśriyam | indo sahasravarcasam
Mandala 9 · Verse 5
indur atyo na vājasṛt kanikranti pavitra ā | yad akṣār ati devayuḥ
Mandala 9 · Verse 6
pavasva vājasātaye viprasya gṛṇato vṛdhe | soma rāsva suvīryam
Mandala 9 · Verse 1
pra ṇa indo mahe tana ūrmiṁ na bibhrad arṣasi | abhi devām̐ ayāsyaḥ
Mandala 9 · Verse 2
matī juṣṭo dhiyā hitaḥ somo hinve parāvati | viprasya dhārayā kaviḥ
Mandala 9 · Verse 3
ayaṁ deveṣu jāgṛviḥ suta eti pavitra ā | somo yāti vicarṣaṇiḥ
Mandala 9 · Verse 4
sa naḥ pavasva vājayuś cakrāṇaś cārum adhvaram | barhiṣmām̐ ā vivāsati
Mandala 9 · Verse 5
sa no bhagāya vāyave vipravīraḥ sadāvṛdhaḥ | somo deveṣv ā yamat
Mandala 9 · Verse 6
sa no adya vasuttaye kratuvid gātuvittamaḥ | vājaṁ jeṣi śravo bṛhat
Mandala 9 · Verse 1
sa pavasva madāya kaṁ nṛcakṣā devavītaye | indav indrāya pītaye
Mandala 9 · Verse 2
sa no arṣābhi dūtya1ṁ tvam indrāya tośase | devān sakhibhya ā varam
Mandala 9 · Verse 3
uta tvām aruṇaṁ vayaṁ gobhir añjmo madāya kam | vi no rāye duro vṛdhi
Mandala 9 · Verse 4
aty ū pavitram akramīd vājī dhuraṁ na yāmani | indur deveṣu patyate
Mandala 9 · Verse 5
sam ī sakhāyo asvaran vane krīḻantam atyavim | induṁ nāvā anūṣata
Mandala 9 · Verse 6
tayā pavasva dhārayā yayā pīto vicakṣase | indo stotre suvīryam
Mandala 9 · Verse 1
asṛgran devavītaye 'tyāsaḥ kṛtvyā iva | kṣarantaḥ parvatāvṛdhaḥ
Mandala 9 · Verse 2
pariṣkṛtāsa indavo yoṣeva pitryāvatī | vāyuṁ somā asṛkṣata
Mandala 9 · Verse 3
ete somāsa indavaḥ prayasvantaś camū sutāḥ | indraṁ vardhanti karmabhiḥ
Mandala 9 · Verse 4
ā dhāvatā suhastyaḥ śukrā gṛbhṇīta manthinā | gobhiḥ śrīṇīta matsaram
Mandala 9 · Verse 5
sa pavasva dhanaṁjaya prayantā rādhaso mahaḥ | asmabhyaṁ soma gātuvit
Mandala 9 · Verse 6
etam mṛjanti marjyam pavamānaṁ daśa kṣipaḥ | indrāya matsaram madam
Mandala 9 · Verse 1
ayā somaḥ sukṛtyayā mahaś cid abhy avardhata | mandāna ud vṛṣāyate
Mandala 9 · Verse 2
kṛtānīd asya kartvā cetante dasyutarhaṇā | ṛṇā ca dhṛṣṇuś cayate
Mandala 9 · Verse 3
āt soma indriyo raso vajraḥ sahasrasā bhuvat | ukthaṁ yad asya jāyate
Mandala 9 · Verse 4
svayaṁ kavir vidhartari viprāya ratnam icchati | yadī marmṛjyate dhiyaḥ
Mandala 9 · Verse 5
siṣāsatū rayīṇāṁ vājeṣv arvatām iva | bhareṣu jigyuṣām asi
Mandala 9 · Verse 1
taṁ tvā nṛmṇāni bibhrataṁ sadhastheṣu maho divaḥ | cāruṁ sukṛtyayemahe
Mandala 9 · Verse 2
saṁvṛktadhṛṣṇum ukthyam mahāmahivratam madam | śatam puro rurukṣaṇim
Mandala 9 · Verse 3
atas tvā rayim abhi rājānaṁ sukrato divaḥ | suparṇo avyathir bharat
Mandala 9 · Verse 4
viśvasmā it svar dṛśe sādhāraṇaṁ rajasturam | gopām ṛtasya vir bharat
Mandala 9 · Verse 5
adhā hinvāna indriyaṁ jyāyo mahitvam ānaśe | abhiṣṭikṛd vicarṣaṇiḥ
Mandala 9 · Verse 1
pavasva vṛṣṭim ā su no 'pām ūrmiṁ divas pari | ayakṣmā bṛhatīr iṣaḥ
Mandala 9 · Verse 2
tayā pavasva dhārayā yayā gāva ihāgaman | janyāsa upa no gṛham
Mandala 9 · Verse 3
ghṛtam pavasva dhārayā yajñeṣu devavītamaḥ | asmabhyaṁ vṛṣṭim ā pava
Mandala 9 · Verse 4
sa na ūrje vy a1vyayam pavitraṁ dhāva dhārayā | devāsaḥ śṛṇavan hi kam
Mandala 9 · Verse 5
pavamāno asiṣyadad rakṣāṁsy apajaṅghanat | pratnavad rocayan rucaḥ
Mandala 9 · Verse 1
ut te śuṣmāsa īrate sindhor ūrmer iva svanaḥ | vāṇasya codayā pavim
Mandala 9 · Verse 2
prasave ta ud īrate tisro vāco makhasyuvaḥ | yad avya eṣi sānavi
Mandala 9 · Verse 3
avyo vāre pari priyaṁ hariṁ hinvanty adribhiḥ | pavamānam madhuścutam
Mandala 9 · Verse 4
ā pavasva madintama pavitraṁ dhārayā kave | arkasya yonim āsadam
Mandala 9 · Verse 5
sa pavasva madintama gobhir añjāno aktubhiḥ | indav indrāya pītaye
Mandala 9 · Verse 1
adhvaryo adribhiḥ sutaṁ somam pavitra ā sṛja | punīhīndrāya pātave
Mandala 9 · Verse 2
divaḥ pīyūṣam uttamaṁ somam indrāya vajriṇe | sunotā madhumattamam
Previous Pages --------- Next Page
